10.18.2006

拍於香港的廣告,香港卻看不到

有心思的大型廣告片,香港買少見少,這條片取景於香港,拿了世界級廣告大獎,可是卻不是出自於香港人手.
香港本土,何時再能有代表作?!

由 呀比號 發佈 @ 5:29:00 下午   5 則留言

5 則留言:

於 星期四, 10月 19, 2006 1:03:00 上午 , Anonymous 匿名 說...

我覺得香港人無太大0既空間去想像同創作!!空間係包括:space&空閒!你試諗下,一返工一放工一返屋企一去街,到處到逼逼逼...心情煩燥,又唔夠清靜。時間都無乜,更何況空閒呢?接觸大自然又少,見識又唔多...個腦仲邊有咩靈感呀!!

 
於 星期四, 10月 19, 2006 11:39:00 上午 , Blogger 呀比號 說...

我只係會覺得香港人係懶惰!唔想用腦,或者唔想花精神去詳細諗一件事.根本唔關space &空閒事.創作或創意從來都唔係因為有時間先可以做既事黎既.你睇d廣告人,佢地得閒死唔得閒病,日日困獸鬥咁度橋去sell,都係咁.可能香港人唔夠幽默,唔夠靈活,生活死板,人又木獨,甚至如你所說,見識不多!!
你話香港人真係咁忙咩?又唔係丫,大把時間去唱k,劈酒,上網打機...
總之,香港肯花時間諗多d野既人,真係少之又少.

 
於 星期四, 10月 19, 2006 8:25:00 下午 , Anonymous 匿名 說...

我space&空閒0既意思係指,一種應有0既空間和時間,發掘創作靈感。一個人忙忙忙又逼逼逼又煩煩煩...個腦邊有多餘0既空間發揮精彩0既創意呢?一邊要同朋友應酬,一邊俾老細逼交貨,返到屋企又煩埋d鎖碎事!!而你講香港人唔花時間去諗新野,都係岩0既!如果你唔認同我0既意思,咁點解一d人去到外國咁relax0既時候,可以突然充滿靈感呢?咁係咪即係香港人跟本無空間&空閒去思索呢?當然,呢兩個問題係香港人自己造成0既!

 
於 星期五, 10月 20, 2006 12:01:00 下午 , Blogger 呀比號 說...

不如我地轉個方向去諗,或者,香港人之所以成日有野煩,你所講既""無時間"",因為錢囉.從來冇機會俾自己停一下,諗諗面前以外的事.眼界,心智都窄,仲搵十萬件籍口俾自己!而且仲承傳左中國人傳統既性格,保守,怕冒險,沒幽默,如此的性格,如何能沾上"創意"?
以我自己為例,自從畢業以來,日日都為自己那碗飯擔憂,但那碗飯不夠我吃嗎?絕不是,不過就是沉迷了下去,還好,我還有自省的能力,所以我仍能在掙扎當中,找條出路.
希望所有人包括我,都想清楚生活是何物.

 
於 星期五, 10月 20, 2006 11:36:00 下午 , Anonymous 匿名 說...

其實我地0既意思都係一樣,只不過表達方法唔同者...呵呵!!
我都認為,"錢"就係萬惡之源!

 

發佈留言

訂閱 發佈留言 [Atom]

<< 首頁